Los alumnos ya la profesora d’Asturianu deseámosvos
a todos un feliz Día de las L.letras Asturianas
con esti poema d’Antón García:
EL DOLME DE MERÍAS
A Miguel Rojo
-¿Pal
dolme…?
Sentada na vera del camín,
fecha entera de solombra y tiempu,
Una muyer mui vieya espera igual que cada día
porque la nueche-y mande entrar pa casa.
Na tarde encesa d’aquel brano,
calma y seca, polvu y sede,
fierve’l mio sangre cuesta arriba.
-…Sí,
miou nenu –diz tranquila-,
Veis pul
camín fragosu
dica la
cabana derrotada…
Y entós calla buscando nel azul del cielu
la lluz de la sapiencia
qu’echar al mio costín:
-Pero ni
ía dolme ni ía nada:
namás
piedras unas enriba d’outras.
Asina ye la vida del mio pueblu,
la historia d’esta tierra,
esta llingua:
xunto a una casa derrotada
palabres como piedres,
montones de palabres,
que son nada.
No hay comentarios:
Publicar un comentario